(not pictured)

'Ma lel an leuv, 'ma'n kledha mas
'Ma'n golon lowen, gwir!
Tus Mytern Jams 'wra konvedhes
Pandr'yll Kernowyon sur!

Yw ornys le ha prys ankow?
'Verow Trelawny bras?
Mes ugans mil a dus Kernow
A wodhvydh oll an kas.

'Verow Trelawny bras?
'Verow Trelawny bras?
Mes ugens mil a dus Kernow
A wodhvydh oll an kas.

'Medh aga Hapten, krev ha dreus,
Gwas lowen ev a veu,
"A pe Tour Loundres Karrek Loos,
Ni a'n kergh mes a'n le."

"Ni 'dres an Tamar, tir dhe dir,
A pe 'vel Havren down,
Onan hag oll, dhe'n den eus fur;
Dhe'gan lettya 'fedh own."

'Verow Trelawny bras?
'Verow Trelawny bras?
Mes ugens mil a dus Kernow
A wodhvydh oll an kas.

"Pan wrellen dos dhe Fos Loundres,
Dhe wel a bleg dhyn ni;
Ownegyon oll, gwrewgh dos yn-mes
Dhe dus eus gwell eso'hwi!”

"Yn karhar kelmys rag ankow
Mirowgh Trelawny bras!
Mes ugans mil a dus Kernow
A wodhvydh oll an kas."

'Verow Trelawny bras?
'Verow Trelawny bras?
Mes ugens mil a dus Kernow
A wodhvydh oll an kas.